بھٹکل 12/جون (ایس او نیوز) : بھٹکل کے تحصیلدار ناگیندر کولاشیٹی کے تبادلے کے بعد خالی ہونے والے عہدے پر ہونّاور کے تحصیلدار پروین کرانڈے نے جمعرات کو بطور قائم مقام تحصیلدار ذمہ داری سنبھال لی۔
عہدہ سنبھالنے کے موقع پر تحصیلدار دفتر کے افسران اور عملے نے پروین کرانڈے کو پھولوں کے گلدستے پیش کرکے استقبال کیا۔
پروین کرانڈے اس سے قبل بھی بھٹکل میں قائم مقام اسسٹنٹ کمشنر کے طور پر خدمات انجام دے چکے ہیں، جس کے باعث انہیں مقامی انتظامی امور کا تجربہ حاصل ہے۔