منگلورو 15/اگست (ایس او نیوز): شمالی کرناٹک کے ہلدوانی میں واقع رام لیلا میدان میں آل انڈیا کانگریس کمیٹی (اے آئی سی سی) کے صدر ملکارجن کھرگے کی عوامی اجلاس میں شرکت کے بعد بی جے پی اور سنگھ پریوار کے کارکنوں کی جانب سے مبینہ طور پر میدان ’آلودہ‘ ہونے کا بیان دے کر صفائی اور تطہیر کی کارروائی کرنے کے خلاف دکشن کنڑا ضلع کانگریس کمیٹی نے جمعہ کی شام منگلورو میں احتجاج کیا۔

لال باغ میں منگلورو سٹی کارپوریشن (ایم سی سی) دفتر کے سامنے مہاتما گاندھی کے مجسمے کے قریب شام 6 بجے منعقدہ احتجاجی اجلاس میں کانگریس کارکنوں نے بی جے پی کے خلاف نعرے بازی کرتے ہوئے شدید ناراضی کا اظہار کیا اور اس کارروائی کی مذمت کی۔

احتجاج میں سابق وزیر بی. رماناتھ رائے، سابق رکن اسمبلی جے. آر. لوبو، کے پی سی سی جنرل سکریٹری متھن رائے سمیت کانگریس کے متعدد رہنما اور کارکنان موجود تھے۔

اس موقع پر ششی دھر ہیگڑے، شالیٹ پنٹو، ممتا گٹی، لاونیا بلال، پرکاش سالیان، وشواس کمار داس، ایس. اپّی، نوین ڈی سوزا، کیشو مرولی، نیرج چندرپال، بھاسکر کے، پریم بلال، شبودھیا آلوا، ٹی. کے. سدھیر، وکاس شیٹی، شبیر ایس، سہیل کندک، رمانند پجاری، بشیر اڈیار، سُہان آلوا، چندرکلا جوگی، اے. سی. ونم راج، سبیتا مسکیت، ناگ وینی، کویتا واسُو، ساریکا پجاری، نینسی، ستیش پنگل، تنویر شاہ، پدمانابھ امین، سَوحان ایس. کے. اور شانتلا گٹی سمیت دیگر موجود تھے۔